Üses Schafuuser Mundartquiz „Tschättere & Chnuuschti“ hät en erfreuliche Zueschpuch gfunde! Innerhalb von es paar Schtund sind „ratzputz“ all 300 Schpiili verchauft gsii! Groosartig!

Etz isch es wieder doo: die zweit Uflaag isch truckt worde – liecht überarbeitet und mit es paar Chärtli meh.
Mitglieder vom Mundartverein händ es Gratisexemplaar z guet! Wär no meh Schpiili will, cha die a de GV für Fr. 12.- chaufe.
(En gute Grund, i üüsem Verein Mitglied z wärde … und nid de einzig;-)
Aamäldige cha me direkt a ktshmundart@gmail.com schicke.
Dört cha me au es Schpiili oder üses Mundartwörterbuech bschtelle.